tulad ng ibang putahe sa pinas, meron ding iba't ibang version din ang pagluto ng kare kare...
eto yung isang example sa pinakamadaling paraan ng pagluto ng kare-kare para sa mga newbie pa sa pagluluto..
BEEF KARE-KARE
Mga Sangkap:
1 kilo Beef (cut into cubes) or Twalya ng Baka
1 sachet Mama Sitas Kare-kare Mix
1 cup Gata ng Niyog
2 Pechay (hatiin lng sa gitna)
1 Talong (hiwain ng pabilog)
1 tangkay Sitaw (hatiin ng 1 1/2 inches)
1 Puso ng Saging
5 cloves Minced Garlic
1 large Onion (sliced)
2 tbsp. mantika
Bagoong/Alamang (mas prefer ko yung di matamis)
Paraan ng pagluluto:1. Palambutin muna ang karne ng baka o twalya sa kaserolang may tubig at asin.
2. Sa isang heavy bottom na kaserola, igisa ang bawang at sibuyas sa mantika.
3. Ilagay na agad ang pinalambot na baka at lagyan ng sabaw ng pinaglagaan nito depende sa nais nyong dami ng sauce. Hayaang kumulo ng mga 5 minuto.
4. Ilagay na ang kare-kare mix, sitaw at puso ng saging. Kung malapit nang maluto ang sitaw ay saka ilagay ang talong.
5. Ilagay na ang gata ng niyog at pechay.
6. Palaputin ang sauce at tikman ang sauce
NOTE: para sa kakaibang twist, imbis na gata ng niyog ang ilagay nilalagyan ng dinurog na tinustang bigas. mabango at lalong nagmumukhang katakam takam...
Ihain habang mainit pa na may kasamang bagoong alamang.
Enjoy!!!