Topic: Cha-cha o Hindi ?

[critchfield99]

Basta ako, kahit ano basta walang corrupt na opisyal sa gov. 

Di kasi ako marong nag Cha-cha, Rnb gusto ko...

[SadClown]

naka kahit naman magkaroon ng cha cha eh nde mawawalan ng corrupt oficials d2 sa pinas. ang maganda eh palitan lahat ng naka upo ngaun sa pwesto.  bsta para skn nde ang systema ng pilipinas ang mali, ang mali ay ang pagkakapanalo ng mga nakaupo ngaun sa pwesto. Lalo na ung mga nasa partido ng administrasyon.

[critchfield99]

ang maganda eh palitan lahat ng naka upo ngaun sa pwesto.  nde ang systema ng pilipinas ang mali, ang ng mga nakaupo ngaun sa pwesto.

May punto ka Tol 

[-JBL-]

sakin lng ha, oras na para mag palita tayo ng constitution.

[introduction]

nung ginawa yung 1987 constitution, nasa isipan ng lahat ng pilipino ang hirap at sakit na dinanas natin sa isang diktador. sa panahon ngayon, alam na natin na malaki magagawa ng people power, konting mali lng ng mga nakaupo sa gobyerno ay nalalaman at nakakapag bigay na agad tayo ng reaksyon.

ang sa akin lng ay, masyado na naging maluwag yung constitution natin. napaka pangit na ng media content sa pilipinas. masyado na inaabuso ang freedom of expression. kahit ang multi party system dito ay naabuso na at nakikita naman natin ngayon ang pabagobago ng mga balimbing sa pulitika.
wala din ako nakikitang idinulot na maganda ang paggawa ng partylist system, at naging daan lng para ma ilagay sa pwesto ang mga prominenteng tao.

[end of writer's introduction]

sa gagawing bagong constitution, parliamentary system ang ipapalit sa presidential - bicameral system na ginagamit ngayon.

Sa presidential system - presidente ang namumuno, kung may nagawang mali at gustong patalsikin ang presidente maaari lng ito mangyari kung sya ay mamatay (Death),  mag resign (resignation from office), magkaroon ng permanenteng kapansanan (permanent disability) o matangal sa pwesto (removal from office).

*see Article VII, Executive Department Sec 7 - 8*


ang pagkatanggal sa pwesto (removal from office) naririto ang basihan.

Article XI ACCOUNTABILITY OF PUBLIC OFFICERS

Section 2. The President, the Vice-President, the Members of the Supreme Court, the Members of the Constitutional Commissions, and the Ombudsman may be removed from office on impeachment for, and conviction of, culpable violation of the Constitution, treason, bribery, graft and corruption, other high crimes, or betrayal of public trust. All other public officers and employees may be removed from office as provided by law, but not by impeachment.


sa Kongeso natin, kailangan dumaan sa mababang kapulungan (House of Representatives) at Senado (Senate) ang isang batas para lng mapatupad ito.

Sa sitwasyon ngayon na kung saan nagtatalo ang Senado at Kongreso, at kung mas marami ang Administration sa Senado at kokonti sa Kongreso (or vice versa), mauudlot ang pagpapasa ng mga batas na magiging dahilan sa pagbagal ng ating pag unlad.


Sa Parliamentary system na ipapakilala sa ating bansa, Punong ministro ang mamumuno. mangagaling sya sa boto ng mga kasamahan nya sa parliamento. at maari din matanggal kung mawalan na sila ng kumpiyansa dito. (Vote of No Confidence). Hindi na kailangan ng Impeachment Trial na inaabot ng ilang buwan or taon.

Dito na rin pag uusapan ang mga batas na ipapasa. mas mabilis ang proseso para sa mas mabilis na pag unlad.

alam ko na marami ang di sumasang-ayon sa akin, pero lahat naman tayo ay pinoy at may karapatan na sabihin ang gusto nya. Sana lng ay kung ano man mangyari, mabago man o hindi, Maging Maunlad na sa tayo at makabawi na ang bansa natin sa pagkakalugmok sa kahirapan.

 



note:
di ko na proof read ito kaya't pag pa sensyahan nyo na kung may maling spelling or grammar 

[Kal-El]

Ako rin, sangayon sa pagpapalit ng konstitusyon, ngunit kailangan siguraduhin na ang ipapalit na konstitusyon ay para sa mga susunod na uupo at hindi para sa mga kasalukuyang nakaupo sa puwesto. Sa aking paningin, ito ang isa sa mga ikinatatakot ng ilang Pilipino na baka madag-dagan pa ang termino ng mga nakaupo, partukilar na si Presidente Arroyo. Tulad, ng sinabi sa taas, hindi rin ako "pro" o "against" sa presidente.

Buong galang rin kay JBL, maganda ang puntos niya tungkol sa systema ng Parlyamentaryo, ngunit hindi ba't nagsasadya rin ito ng parehong systema ng Kongreso na kung saan sila ang bumuboto sa kanilang mga pinuno (Senate President and Speaker of the House) na siya namang nadala ng kanilang pakikipartido? At sino ang boboto sa mga tao sa parlyamentaryo, di ba't ang taong bayan din? Kumbaga e iisang kwento na isinalin sa ibang bersyon.

Sana nga mapalitan o di kaya ay magkaroon ng isang malaking pagbabago sa konstitusyon. Ngunit, ang pinkatanong naman ay, "Ito ba talaga ang solusyon upang maibsan ang hirap ng bansa na dulot ng graft and corruption?" Hindi ba't mabago man ang konstitusyon o hindi, ang ikabubuti ng bansa ay nakasalalay sa mga mamboboto? Dahil dito masasabi ko na impormasyon ang pinakamagandang sandata laban sa cancer na pumapatay sa ating lipunan at gobyerno. Mas maraming impormasyon, mas maraming nalalaman ang tao na siyang magbibigay ng mas intelihenteng boto (yan ay kung walang pandarayang mangyayari, ngunit yan ay ibang diskusyon na).

At huli, dapat nating tandaan na lahat ng sistema ng gobyerno na naitatag sa buong mundo, kahit na ang diktatorya, ay likhang mabuti na para sa ikabubuti ng bansang gumagamit dito. Ito ay nagiging masama lamang dahil sa pamamaraan ng pag-gamit nito. Hindi ito nalalyo sa debate ng Demokrasya o Komunismo. Parehong ideolohiya ay likhang maganda, ngunit dahil walang perpektong Demokrasya at perpektong Komunismo, pareho ay pumapangit dahil hindi ito nagagamit sa paraan na ito ay naitatag.

 

[-JBL-]

sumasang ayon ako sa naisulat mo Kal-El, lahat ng klase ng gobyerno ay maganda, nasa pag-papalakad lng ang nagiging problema kung nagiging masama ito.

kagaya ng sinabi ko, opinion ko lng naman iyon. at sa tingin ko, sa pagpapapalit ng konstitusyon natin (sa mabuti at tamang paraan), mas magkakaroon ng makabagong direksyon ang klase ng pamumuno dito sa ating bayan.

hindi naman problema ang konstitusyon natin sa ngayon. ngunit, hindi ba't maganda din kung naaayon sa takbo ng pamumuhay ng mga Pilipino sa kasalukuyan ang pagkakasulat maging maluwag o mahigpit man ito.

Buong galang rin kay JBL, maganda ang puntos niya tungkol sa systema ng Parlyamentaryo, ngunit hindi ba't nagsasadya rin ito ng parehong systema ng Kongreso na kung saan sila ang bumuboto sa kanilang mga pinuno (Senate President and Speaker of the House) na siya namang nadala ng kanilang pakikipartido? At sino ang boboto sa mga tao sa parlyamentaryo, di ba't ang taong bayan din? Kumbaga e iisang kwento na isinalin sa ibang bersyon.

sumasangayon din ako sa sinasabi mo ka espiyang Kal-EL ngunit ang aking paliwanag ay nakatuon sa sistema ng pag tanggal sa pwesto, Impeachment at Vote of no Confidence na may malaking pagkakaiba sa bilis ng proseso at kung wala ka ng tiwala sa punong ministro na syang ibinoto ng inyong representante, maaari mo syang wag iboto muli , hindi tulad sa presidential na pag nahalal na, sa nasambit ko na mga pamamaraan lng pwede silang matanggal sa loob ng 6 na taon.

[Kal-El]

sumasangayon din ako sa sinasabi mo ka espiyang Kal-EL ngunit ang aking paliwanag ay nakatuon sa sistema ng pag tanggal sa pwesto, Impeachment at Vote of no Confidence na may malaking pagkakaiba sa bilis ng proseso at kung wala ka ng tiwala sa punong ministro na syang ibinoto ng inyong representante, maaari mo syang wag iboto muli , hindi tulad sa presidential na pag nahalal na, sa nasambit ko na mga pamamaraan lng pwede silang matanggal sa loob ng 6 na taon.

Kaespiyang JBL, nais kong iparating sa iyo na ang pagsangayon ko sa nauna ay dahil sa opinyon mo tungkol sa naisulat mo sa itaas. Buong puso akong sumasangayon dito. Nagbibigay ako ng paumanhin kung ang pagtatanong ko ay nagmistulang pagkalaban sa opinyon mo. Sana maintindihan mo na ang pagtatanong na ito ay para sa mga susunod na makakabasa ng ating mga opinyon upang magbigay daan ng kanilang sariling opinyon at hindi upang kalabanin ang iyong opinyon. Sa aking palagay, iisa lang ang ating saloobin patungkol sa isyu na ito.

At sa sinabi mo tungkol sa konstitusyon na naayon sa takbo ng pamumuhay ngmga Pilipino, yan rin ang aking saloobin tungkol sa isyu na yan. Kahit na sapat ang kasalukuyang konstitusyon, ang pagpapabuti dito na naayon sa kasalukuyang pamumuhay ng mga Pilipino ay kailangan. Malaki na talaga ang ipinagbago ng ating lipunan.

Ngunit, sa aking opinyon, na sa tingin ko ay sasangayunan mo ay, ang problema o sakit ng ating gobyerno at lipunan ay nangngailangan ng mas mabisang gamot. At ang mga gamot na ito ay hindi lang ang pagpapalit ng uri ng gobyerno o ng konstitusyon. Kailangan din magbago ang pagiging makabayan at hindi makasarili ng bawat isa, lalung-lalo na ang mga opisyal sa gobyerno.

Saludo ako sa'yo kaespiyang JBL, bihira ang taong may ganyang saloobin at tiyaga upang magbigay ng opinyon tungkol sa mga isyu tulad nito. Masaya ako't nagkaroon tayo ng isang maliit na pagpapalitan ng ideya tungkol dito. Sa uultin.

[-JBL-]

Ngunit, sa aking opinyon, na sa tingin ko ay sasangayunan mo ay, ang problema o sakit ng ating gobyerno at lipunan ay nangngailangan ng mas mabisang gamot. At ang mga gamot na ito ay hindi lang ang pagpapalit ng uri ng gobyerno o ng konstitusyon. Kailangan din magbago ang pagiging makabayan at hindi makasarili ng bawat isa, lalung-lalo na ang mga opisyal sa gobyerno.

hindi na ako makaisip ng anumang salita na mas gaganda pa sa inilahad mo ka espiyang Kal-El, sumasang ayon ako dito.

Saludo ako sa'yo kaespiyang JBL, bihira ang taong may ganyang saloobin at tiyaga upang magbigay ng opinyon tungkol sa mga isyu tulad nito. Masaya ako't nagkaroon tayo ng isang maliit na pagpapalitan ng ideya tungkol dito.

salamat at gusto ko rin ipagbigay alam sayo ang aking pasasalamat at paghanga at may mga taong kagaya mo na may pakialam pa rin sa nangyayari sa ating bansa.

[Vansboy]

Yes ako sa cha-cha dahil gusto kng  bi-cameral nalang ang election..