para sa babaeng tinitibok ng aking puso
Oo nga...ako'y nahihimbing pa rin,
Sa panaginip na di malimutan.
Sa gitna ng kalaliman ng gabi,
Nais makita ang ngiti sa labi.
Sa pagmulat ika'y hindi makita.
Kaya't pinikit muli aking mata.
At kaya sa umaga...sa umaga,
Sarili'y nakita sayo'y masaya.
Gusto kitang isayaw kasama ng mga bulaklak.
Kasabay ang hangin, iwagayway iyong mga pakpak.
Sa ilalim ng magandang araw, liwanag ng buwan,
Hanggang sa lilim ng makikinang na mga bituin.
Ang puso ko'y parang mababasag...mababasag,
Dahil sa bilis ng pintig at sa lakas ng kabog.
Ito ang damdaming sa aki'y bumabagabag.
Sabihin mo sa akin na ito nga'y pag-ibig.
Hindi ko na rin kayang ngumiti ngayon,
Dahil sa king pangungulilang tuluyan.
Ako'y nakatingin lamang sa bintana,
Iniisip sana'y nasa mabuti ka.
Ngayon ako'y naglalakbay.
Munting sisidlan ang tangay.
Ika'y hanapin...aking pasyang tunay
Hanggang mga binti'y nais bumigay.
Tulad ng mga magagandang bulaklak
Namumukadkad sa ilalim ng araw
Gaya rin ng isang hardin ng bulaklak
Iyong nakakasama sa bawat galaw.
Pupunta ako sa isang burol tangay ang sisidlan.
Magagandang bulaklak ang doo'y aking isasapin.
Nandito ako...nandito ako...dito'y 'yong puntahan.
Ako ay maghihintay dito upang iyong gisingin.
At sabay tayong...
Sumayaw at magsaya kasama ng mga bulaklak.
Kasabay ang hangin, iwagayway ating mga pakpak.
Sa ilalim ng araw, ng buwan, ng mga bituin,
Ako'y laging nasa piling mo kahit kailan pa man.
