Topic: Balagtasan sa YM

[IWM]

ang galing pre! nice nice..salamat sa pag dugtong nitong ating munting balagtasan. hehe

[deosh_pilyo]

ANG ALAMAT NG BALOT
orihinal ni deosh_pilyo

Sinubok kumatha ng lupon ng mga titik
Upang sigla nitong buhay ay muling manumbalik
Subalit ang diwa ko’y anumang gawing pilit
Nilamon na ng lungkot, pangungulilang anong pait

Ngayon nga’y ilalahad sa inyo ang nagdaan
Alamat nitong “BALOT” na aking napakinggan
Kung ito ma’y sadyang mali o may katotohanan
Hiling ko lang sa ESPIYA, masigabong PALAKPAKAN!

Hiramin ko muna ang bersikulo sa bibiliya
Nawa’y patawarin ako ng Dakilang Lumikha
Ito’y bunsod lamang ng labis kong dusa
Upang muli aking labi’y masilayan ang tawa

Matapos ngang likhain ang sandaigdigan
Mula sa alabok, nililok NIYA si ADAN
Binigyan ng buhay noong KANYANG hingahan
At doon inilagay sa Paraisong Halamanan

Sa labis na inip ng matikas ng BIDA
Hiniling sa POONG, “Kailangan ko ng EBA”
Mula sa kanyang tadyang, humugot ng isa
Hinipan ng hangin, naging mutyang sinisinta

Anupa’t nahiya itong TORPENG TIGASIN
Kanyang tirik na sandata’y tinakluban ng sapin
Lumipas ang buwan nang kanyang buklatin
Naku, animo’y kamoteng saksakan ng itim

Doo’y di nakatiis ang dalagang turing
Ang ITLOG na bugok, gusto nyang damahin
Inabot ng palad, pinisil pa mandin
Saka nya inamoy, ulirat ay kumulimlim

Nang siya’y matauhan, galit nya ay bumusa
Isinisi kay ADAN ang nangyari sa kanya
“Kung di dahil sa amoy ng ITLOG mong maanta
Noong gabi sanang iyon, ako ay nakadalawa!”

Nang malaman ng AMA ang eskandalong ito
Sinabi NIYA sa dalawang lisanin ang PARAISO
“Ikaw ADAN na may isip, bakit sinuway ang utos KO,
ITLOG mong anong ganda’y bakit biglang binalot mo”?

“Bilang parusa KO, inyo itong tatandaan
May ITLOG na lalabas na antot ay kainaman
Ayaw mo man itong kani’n, di mo kayang paglabanan
Uubusin mo itong kasalo ang kasintahan!”

At kalaunan nga’y may inilakong ITLOG
Na sa hatinggabi ng mundong umiinog
Sa hiwaga ng dilim na nakakatakot
Ay maririnig mo... ang sigaw na “BALOOOOOOTTTTT”!

 

[IWM]

ang galing! hahahaha! nakakatuwa, yun pala ang alamat ng balot...bow down talaga ako sayo buds, ang husay mo!

[p_i_n_k_y]

ang baluuuuut!! bow...

[tops]

Neckromancer, kapatid, ano't iyong nakalimutan
pangalan kong matimtim na kasama sa sagutan
diwa kong gulat ay tila pinagsakluban
ng lungkot sa damdamin ukol sa balagtasan?

[IWM]

Neckromancer, kapatid, ano't iyong nakalimutan
pangalan kong matimtim na kasama sa sagutan
diwa kong gulat ay tila pinagsakluban
ng lungkot sa damdamin ukol sa balagtasan?

huwag kang mag-alala kapatid,
ang iyong hinaing ay ihatid
sumali sa balagtasan ng makita
ang likas mong pagka-makata

[neckromancer]

Neckromancer, kapatid, ano't iyong nakalimutan
pangalan kong matimtim na kasama sa sagutan
diwa kong gulat ay tila pinagsakluban
ng lungkot sa damdamin ukol sa balagtasan?

'Sanlibo't isang patawad ang hingi
kung bakit alaala ko'y patange-tange
Madami ding bagay ang binubusisi
Kaya't heto ako, patakas ang pagsipi

Kaya kaibigan kong tops, patawad
kung simpleng pagbati'y kulang ang paggawad
Kamay ko at daliri'y nanginginig twina
Hindi lang dahil sa Mature sa espiya.

[IWM]

Ano pa't tayo na'y bumalik
Ang tema ng balut ang siyang saliksik
Sa balagtasang ma-itlog tara na't sumali
Baka may biglang sumigaw ng OW-TI! (OT)

[mashedpotato]

pre anlupit nyu! 
Siguro kung me ka chat akong ganun baka abutin ako ng isang araw bago ng reply 

[tops]

salamat kapatid na IWM, neckromancer sa inyong pagalala
sigla'y nanumbalik sa aking gunita
kakulangan sa pansin ay inyong ipagpaumanhin
mangibang bayan ay sugat sa damdamin

Magpagayunpaman, kayo ay makinig
sa munting impormasyon na aking hatid
dahil ang haring balot ang sya pa rin himig
ng ating usapan mga kapatid

sa layo ng aking kinapuntahan
balot ay tila wala sa kanto at tindahan
sa dami ng aking napagtanungang mga kababayan
tila wala pa rin linaw ang kasagutan

subalit ano't aking napansin
minsan sa restoran na pinasukan namin
ibang lahi ay lumapit at nag alok
nakakamangha at alam ang balot?

pagkaraka'y sinabi kayo ba bili?
balot may suka na babad sa sili?
sa sobrang gulat ako'y napatili
parang hindi makapaniwala ang aking sarili?

ako'y bumili at aking tinikman
aba't sya nga at tunay na kainaman
balot na inisip kong sa atin inang bayan lamang
mabibili at ating matatagpuan

 

[IWM]

Aba'y mainam kung ganun tops na kaibigan
Balut na inaasam-asam ay nasa ibang bayan!
Munting bilog na puti, niluwal ng pato
Pangungulila sa bayan ay ginamot nito

San ka nga ba naroroon aking kabayan
Anong bansa ang iyong dinayuhan?
Sa muling pagbalik sa bansang sinilangan
Humanap ng balot kahit sa anong paraan.