Bumagsak ng 10 pwesto ang Pilipinas sa 2015 Corruption Perceptions Index base sa survey ng Transparency International.
Sa kabila ito ng "Daang Matuwid" na isinusulong ng administrasyong Aquino.
Sa ngayon bumaba sa ika-95 na puwesto mula sa dating ika-85 ang Pilipinas matapos bumagsak sa 35 ang corruption index ng bansa mula sa dating 38 noong 2014.
Mas mababa ito kumpara sa Indonesia na nasa ika-88 na pwesto habang ang Singapore ay pang walo.
Sa buong timog silangang Asya ang Pilipinas at Malaysia ang lumalabas na mas naging corrupt ngayong taon.
Sinabi ni Jose Ugaz, chairman ng Transparency International na masosolusyunan lamang ang korupsiyon kung magtutulungan ang mamamayan at ang pamahalaan sa pagpuksa ng nasabing problema.
Pero iginiit ng Malakanyang na patuloy naman ang kanilang kampanya laban sa korupsiyon. (Bomboradyo)