Lahat ng OFW nagpapadala ng balik-bayan box sa pamilya nila para kahit sa katiting na corned beef, lotion, perfume at damit na imported, para maranasan din ng pamilya nila ang mga bagay sa ibang bansa. Kaya kahit magkasakit o maghirapan man sila sa pagtatrabaho ang importante may ibigay sila sa pamilya nila(tatay ko ay dating OCW at may pamilya rin ako sa labas, kaya alam ko yan).
Naasar na ako sa Customs natin, yung import and export natin nabubulyaso dahil sa kapalpakan nila, at ngayon pati yung balik-bayan boxes na pinaghihirapan ng ibang pinoy sa ibang bansa. Parang mali naman na buksan nila ang mga balik-bayan box, at random selection pa. Paano kaya yun? Alin ang naiba, isipin, isipin, ispin alin ang naiba? Bumili sila ng x-ray (yung malaki at marami) para sigurado na yung hahalungkatin nila ay yun talaga ang may mali, at dapat doon yung may-ari o representative nila kung bubuksan. Dahil kahit may CCTV yan may madadali pa rin yan, hindi ko po nila-lahat ang tao ng customs pero may iba talaga dyan na makakati ang kamay. May tax na ang mga pasalubong items na yan sa binilhang bansa ng mga OFW, tapos magtatax kayo ulit dito parang sobra naman, isa pa kasama sa bayad ng OFW sa mga freight forwarder ang tax ng balik-bayan box. At kung natatakot sila na masalisihan sila ng mga OFW na "madadaya" dahil binibenta nila yung mga pasalubong items nila, unahin muna yung mga containers na puno ng smuggled items na pinapalampas nila, dahil doon yung malaki ang talo ng mga negosyante dito (sama nyo na ang mga peke na galing sa China at mga items na hindi aprubado ng DTI, at BFAD).
P.S. Ang mga OFW doble-doble ang hirap sa ibang bansa tapos hihinge yung mga Immigration Officers ng pamasko o "Wala ba tayo dyan, Sir/Ma'am".Pasalamat nga ang mga tiwaling empliyado sa gobyerno, may trabaho sila dito, kasama nila pamilya nila at hindi kailangan makibagay sa ibang lahi. Kahit malaki ang sweldo ng mga OFW, pero maraming hirap at sakripisyo ang ginawa at nadanas nila sa labas ng bansa para sa pamilya nila. Parang taong-grasa sa airport ang mga BOC at Immigration Officers na humihinge ng limos. Sa kalye kaya nagaabot kaya sila sa mga nanghihinge sa kanila? O baliktarin natin sila yung OFW tapos sasabihan sila sa airport na "Wala ba tayo dyan, Sir?" o "Paano naman kami, Ma'am?".ASAR!!!!!!