ILONGGO POET-RY (POETIC STORY) 12-17-11, SAT, 10:55 PM (STARTED), 2:00 AM (Finished)
IKAW UKON TANA
Originally written by Cheesybrains (Some parts are based on a real happening)
(In memory of "Ysella")karang-una nga ako wara pa it nobya
Indi ko gid malimtan karang una ko ikaw nakilala
Sa imung guya nga daw sa sirena katahum
Hasta karang gab-i ikaw akon ginadumdum
Abi sa kis-a man ikaw pagliki kanakon
Para biskan sa imung pagbalikid lang ikaw akon man maangkon
Pero sa karako kang andang mga hinun-anon
Ang akon huna-huna kun kis-a nagadalom
Nga kun sa ila man kuno nga pagpati
Ang tagipusuon sang isa ka babaye indi kuno permanente
Wala ako nakahibalo kun ngaa
Kay kun ako lang ang ila
Isa rang gid tana ang akong mahambal
Nga sa akon pagkita kanimo kag pagpamensar
Ang tanan ara run siguro kanimo
Walay tupong nga kina-iya kag pagkatawo
Maayo nga ehemplo sa imong isig kapareho
Kag labing mapainubuson sa yadtong balanse kag intsakto
Amo nga karang panahon nga nangin kita
Ang akon paghalong wala sing kapareha
Sa halos tanan nga oras nga kita magkaupod pa
Ako gid imo lubos nga ginapasadya
Daw sa adlaw-adlaw nalang may piyesta
Ang tanan nga imo pangayuon akon gid gina tagaan importansya
Kay nahadlok ako nga basi sa adlaw nga ikaw madula pa
Ang akon kabuhi basi mangin isa ka afritada nga wara it sarsa
Gani sang nga ari ka pa sa akon tupad
Ang akon kabuhi daw sa lubid nga indi mahubad
Sa tanan ko nga hulag ako gid galisensya anay
Para lang nga indi ako masapote sang imo nga tatay
Daw pareho lang nga ikaw akon na nga asawa
Nga sa akon lang tani nangin mas matuod pa
Pero anhon mo kay palangga ta gid ka gha
Wala ako mahimo kundi mangin bulag nga sari ka tanga
Gahulat sa imo nga mangin panumbat
Biskan pa nga ako tani insakto pero walng lng ko ga sari ka sabat
Kay basi halinan pa sang away naton nga darwa
Kag ikaw magduwa-duwa kag ako imo bayaan pa
Nagligad ang oras, inadlaw kag binulan
Natabo gid ang akon ginakahadlukan
Gulpi ka lng nadula
Ako ang daw ma buang na sa kapangita
Ang akon kabuhi nga halos sa imo nagalibot
Daw sa kandila nga gulpi lng naglip-ot
Ngaa man bala
Ano ang akon nga nangin sala
Indi pa bala tuman sa imo ang akon hinimo
Nga daw sa ido lang nga ako imo gintabog palayo
Pila ka gab-i kag adlaw ang nagligad
Ako ang sanglit nangin preso diri sa higad
Wala sang iban nga ginabatyag
Kundi ang akon gid lng nga pagkalangkag
Ako gid ang naghinusol sa indi ko mabal-an nga buhat
Ang imo sanglit nga pagkadula nga indi gid tani dapat
Biskan ang lalaki gali kun kis-a sa aton kinabuhi
Mahimo man nga mangin ulipon sang kasubo kag magsari ka hinibi
Siling pa gani sang imo ginikanan
Nga kun ako lang tani imo kuno subong makit-an
Imo gid kuno makita ang akon nga pagkasinsero
Apang ako ang ila na nga ginpiho
Nabal-an kuno nila halin sa isa mo ka abyan
Nga ikaw ang naga busong na sang anum ka bulan
Imposible gd nga akon yadto
Kay akon gd nasigurado sang sadto
Biskan kaisa wala gid sing natabo sa aton
Bangud ako ang imo nangin ulipon
Kag ikaw man mismo ang nagtuad
Nga kun ikaw akon gid palangga nga walay tulad
Ako gid ang makahulat sang sakto nga tinion
Hasta nga ikaw mangin handa kag ako ang imo tanyagon
Ini nga desisyon amu kuno ang mangin yabi sang amon buas damlag
Nga sa biskan pinakabudlay nga pagtilaw kag tuman nga kaanyag
Ako wara gid nagliw-at sa pagpati
Nga ini nga prinsipyo amu matuod ang mangin yabi
Apang anu pa ang akon mahimo subong
Natapos na ang akon mga handum bangud sa imo pagbusong
Gani ako ang nagdesisyon nga sa malip-ot nga tinuig
Ako anay mapaliwaliwa kag mangayo bulig
kay bal-an ko nga ang Ginoo
May maayo gid nga mga plano
Kag indi pa ini ang katapusan sang tanan
Sanglit ini ang mangin umpisa sang bag-o naman
Bag-o nga pag-asa kag mga opurtunidad
Kag ako ang naglakat sa malayo nga syudad
Balon ang pag-asa nga sa pila ka adlaw
Ikaw ang akon man matan-aw
kag ako ang makabalik diri bilang bag-o na nga persona
Persona nga may nalab-ot kag bag-o nga kina-iya
Naglakat ang halos lima ka tuig kag pila ka adlaw
Sa gihapon ako lamang naka-kadlaw
Ngaa man bala wala gid ako sang maluyagan nga iban pa
Indi bala ako ang naka-move-on na pero ngaa
Basi ayhan wala ko pa gid man makit-an
Ang mangin sakto kag walay liwan
Siguro nangin masako lang ako sa akon ulubrahon
Mga ginakakitaan kag iban pa nga nangin ambisyon
Isa ka adlaw ako ang nagbalik na sa amon
Nangin tuman ang kalangkag sang tanan sa ila pagdihon
Isa ka engrande nga piyesta kag masadya nga banwa ang akon nabalikan
Madamu sang lain lain nga bisita kag abyan ang akon nakit-an
Kadam-an sa ila halos may mga pamilya na man
Ang iban propesyunal kag sa gihapon ang iban
Sa tunga sa magahod nga kasadyahan kag baylihan
Akon natapakan ang tiil sang isa man ka balikbayan
Kutis amerikana kag medyo tsinita
Halos matunaw ako sa kahuya sang gintulok nya ako sa mga mata
Tuman ang akon pagpangayo sang pasensya
Apang imbis nga mangakig sya na lng ang nagpakilala
Abi ko pa gani kung ako iya tamparuson
pero isa ka makinaiya-iyahon nga nawong ang sa akon nagyuhum
Dungan sang iya pagpakilala kag pagdaho sa iya kamot
Amu man ang pagsaot sang iya buhok nga ang punta medyo kulot
Wala na ako magduwa-duwa nga magpakilala man sa iya
Upod ang duwa nya pagid ka mga pakaisa
Nagligad pagid ang pila ka semana
Sya pagid ang akon lubos nga nakilala
Kag sang ako ang nagpauli na sa amon halin sa paglagaw-lagaw
Akon nakita ang una ko nga pinalangga apang akon naintsindihan kung siya ang maglikaw
Akon man nakita ang iya nanay kag akon gin istorya kag nangamusta
Ako ang nakibot sa masubo nga balita nga natabo sa iya
Siguro nahuya lang siya magistorya sa akon bangud sa natabo
Apang nahibal-an ko nga ako ang nakamove-on naman kag nagmuno nga matabo
Luyag ko siya istoryahon bangud sadto kag kamustahon man lang siya
Amo nga ginkasugtan namun sang iya nanay nga maupod sila sa party sa amun uma
Upod ko si tsinita nga nagpauma sakay sa van nga gamay
Siya naman ang sa jeep nagsakay upod sang akon nanay
Makaligad nga matapos ang malip-ot nga program sa sala
Siya ang akon natsempuhan sa may amun veranda
Nakibot gd ko sang ginhakos niya ako kag naghibi sang tuman
Sang kami na ang ginatulok sang kadam-an
Ginlihog ko ang akon driver nga dal-on kami sa resthouse sa takas
Kag didto sya nagtuad sa akon sang tanan nga natabo sa sulod sang duwa ka oras
Ako ang halos masaklaw sa natabo kag naluoy sa iya
Apang ang anay espesyal nga pagtan-aw sa iya ang nadula na
Didto ko pagid nahibal-an nga siya ang naluyag pa man sa akon
Pero indi ko mabatyagan yadto biskan bal-an ko nga sinsero sya sa iya panambiton
Akon nga ginpakalma ang iya huna-huna kag balatyagon
Kag nakasigurado na ako nga sa sini nga mga tinion
Sya nagid yadtong babaye nga una ko nakita kag nakilala
Apang siguro biskan anhon ko pa ang tanan kag mangin ikaw man ukon tana
Mas nangibabaw ang akon napangako sa bag-o ko nga ginahigugma
Kag siguro ang sarang ko na lng mahimo bilang isa ka abyan amo ang magsuporta
Kag hatagan sang tsakto nga pagtamud ang kung ano ang ginbugay sa akon
Nga sa magamay man nga tinion ang akon na nga na dihon
Kag amo ang akon nga paga amligan kag tatapon
Kay biskan ano man ang natabo siguro sya man gid gihapon, ang bag-o nga akon.
Kung ikaw ang may kapareho nga sitwasyon
Ano ayhan ang imo mangin desisyon kag panambiton?
Ikaw ukon tana? 
