Ingat-ingat lang mga ka-espiya.
MANILA, Philippines - Malaking trahedya umano ang posibleng maganap sa ilang lalawigan bunga ng posibilidad na sabay-sabay na pagputok ng tatlong aktibong bulkan sa pagpasok ng panibagong bagyo sa bansa.
“Ang dasal ko lang eh, parating ang bagyo huwag naman sanang sasabayan ng bulkang Bulusan, Mayon at Taal, dahil malaki ang problemang kakaharapin natin,†nababahalang pahayag ni National Disaster Risk Reduction and Management Council (NDRRMC) executive Director Benito Ramos kahapon.
Base umano sa impormasyong ibinigay ng Phivolcs sa NDRRMC, may tsansa na magsabay-sabay ng pagsabog ang Mayon sa Albay, Bulusan sa Sorsogon at ang Taal sa Batangas, kasabay ng sinasabing bagyong Chedeng na papasok sa bansa kaya maaring magdulot ng malaking problema sa sandaling mangyari ito.
Sinabi ni Ramos, kung mangyayari ang ganitong problema, may plano na ang civil defense sa Region 8, Region 5, Region 4-A, at Region 4-B, para dito upang maiwasan ang idudulot na trahedya nito sa mga bawat pamilyang maapektuhan.
Taong 1800 ng maitala ang pagsabay-sabay ng pagputok ng tatlong nabanggit na bulkan na maaring maulit muli kaya pinaghahandaan na nila ang “worse case scenario†kasabay ng panalanging huwag nang sabayan ng bagyo.
Inilagay na nila sa Blue alert ang kagawaran dahil sa babala pa lamang anya ng PAGASA ay maghanda na sila 72 hrs bago nito.
Bukod sa Bicol region, nakaalerto rin ang kagawaran sa bahagi ng Northern Luzon, Region 3 at Region 2.
Samantala, ayon sa Phivolcs, inaasahang papasok sa bansa ang tropical storm ngayon umaga (bukas) matapos na mamataan ito sa labas ng ating area of responsibility sa layong 1,070 kilometro, silangan ng Northern Mindanao alas-12 ng madaling-araw.
Taglay ng bagyo ang lakas ng hanging 75 km kada oras at may pabugsong ihip na hanggang 90 km kada oras. Ito ay kumikilos ng patungong West North West sa bilis ng 15 km bawat oras.
source:
http://www.philstar.com/Article.aspx?articleId=688914&publicationSubCategoryId=92
