[icecoldchiq]

May mga bagay na sadyang mahirap ipaliwanag
May mga tanong na mahirap bigyan kasagutan
May mga pangyayaring talagang nakakabagabag
May mga sagot namang hindi maintindihan

Ngunit alam mo kung ano ang mga ito
Puso mo lamang ang sadyang nakakapuna
Utak man ay kahit gaano katalino
Walang itong  katumbas na payo o pahina

Nuknukan ka man ng galing
Pero may mga problemang sadyang nakakapraning
Saksakan ka man ng bait
May mga karanasan ka pa ring sadyang mapait

Ngunit sino ba ako para inyong pakinggan
Heto nga ako't may matinding palaisipan
Hindi ko alam saan dudukot ng lakas
Ang mukha ko'y luha ang bumabakas

Nais ko man ikwento ngunit hindi alam ang simula
Pakinggan mo na lamang ang aking mga salita
Masakit naman masyado para aking isadula
Kaya ang mga luha'y idadaan na lamang sa tula