[icecoldchiq]

Ngayon lang ulit ako nagsulat in Filipino na tula. Paumanhin na po kung hindi kagandahan. Salamat!

--------------------------------------------------------------------------------------------

Hayaan mo ako na hawakan ang iyong mga kamay
Hagkan ng aking labi ang mukha mong matamlay
Panoorin kang natutulog ng walang kamalay malay
Sisikapin kong sa hirap at ginhawa’y ako ang iyong karamay

Pabayaan mo akong lumayo saglit sa iyo
Ang puso ko’y maselan at madali lamang magtampo
Ngunit masisiguro ko sa iyong ako’y iyong iyo
Hinding hindi kita kailan man basta-basta isusuko

Sanayin mo akong na andiyaan ka lamang parati
At paramdam mo sa aking wala akong kahati
Sa puso mo na siyang aking pinakatatangi
Na ako at walang iba ang dahilan ng mga ngiti sa iyong labi

Gusto ko lamang na ika’y makasama ko
Sa haba ng buhay hanggang sa pagtanda mo
Aakayin ka sa panahong ika’y nalulugmok
Maasahan mong magpapakatatag ako sa kahit ano mang pagsubok

Dahil ikaw ang siyang dahilan ng pagtibok ng mabilis ng aking puso
Ang rason sa bawat saglit na ngumingiti na parang wala sa tamang wisyo
Ang dahilan kung bakit ako’y parating humahalakhak at masaya
Pagkat ako’y inibig mo at wala ng iba