Share ko lang po yung pinost ko sa Bob Ong's group sa multiply... hehehehe
Sir Madcarabao, siguro imo-move mo ito, no?! wahahahahaha miss ko na ang
pag move mo ng mga threads.. Posted last May 7, 2009
Napansin ko, tuwing magsasalita tayo sa English kahit isang salita nga lang ang nasama, ang kadalasang reaksyon natin, "wow English! nosebleed!!!" o kaya "Oi English yun ahh!"
Kapag purong Filipino, halimbawa sa Tagalog, sasabihan ka namang "Makata". Ano kaya yun?!
Pag may mali sa English grammar, todo pintas naman tayo at tatawanan pa kamo.. Pero pag hindi naman tama ang grammar sa Filipino, wala lang.. Tulad nung "inaral at aaralin" ehh ang tama dyan ay "pinag-aralan at pag-aaralan" ehh.. Ang Pinoy nga naman.. Kung nila-lang ng ibang mga Pilipino ang Filipino ganun na lang.. Diyalektong Tagalog na nga lang, inii-slang pa.. Tulad ng "parang at pero"...
Baka isipin ninyo kaya ganito ako, dahil di ako marunong mag-Ingles.. Di naman sa ganun, mas gusto ko nga yun kesa sa Math.. Nababagabag lamang ako, nasa bansang Pilipinas naman tayo, bakit parang halos ipagbawal na ang pagsasalita ng Filipino? Eh ano naman kung mali-mali ang grammar natin sa Ingles, eh yung mismong mga bansang may wika nun, di naman din sila tama, mas di pa nga nila alam kung paano gamitin ang tenses ng verb ehh.. Pansinin ninyo, parang di na natin alam sa Filipino ang ibang salita dahil sa kakahikayat ng pagsalita ng Ingles natin... Tulad ng "realize".. Aminado ako dyan.. hehehehe di ko na maalala sa Ingles kung ano yung "Pambalana".. hehehehe
Walang masamang magsalita ng Ingles, dahil kelangan talaga ngayon yan sa trabaho.. Ang akin lang, sana tumigil na tayo sa pangungutya sa mga taong nagkakamali sa pagsalita ng Ingles.. Bakit sa Tagalog, pag mali di naman natin pinagtatawanan? Sana alam din natin ang tamang paggamit ng wikang Filipino.. Pilitin nating wag pagtawanan ang taong nagkakamali, bagkus itama sila sa magandang paraan yung di naman nakakainsulto.. Di ba?