Di naman ako nega sir spikespeigel nagsasabi lang ako ng katotohanan. Actually full of hope nga ako kaya tuwing election pilit akong bumuboto ng mga taong sa palagay ko ay magbibigay ng tunay na serbisyo at pagbabago para sa ating bayan kahit na alam kong walang panalo dahil sa pag asang isang araw magigising din ang ating mga kababayan at boboto ng mga leader na tunay na magserserbisyo sa atin. Para lang sa iyong kaalaman ang aking mga ibinoto para pagkapangulo ay ang mga sumusunod 1992 - Santiago, 1998 - Roco, 2004 - Villanueva, 2010 - Teodoro. Lahat Talo pero iisa ang bitbit nilang lahat ng sila ay tumakbo, bagong pulitika. Nitong nagdaang halalan ang aking mga ibinoto ay sila Grace Poe, Teddy Casino, Koko Pimentel, Dick Gordon, Samson Alcantara, Lito David, JC Delos Reyes, Baldomero Falcone, Marwil Llasos, Mitos Magsaysay, Ricardo Penson and Christian Seneres.
Ang iyong ikalawang tanong na kung may nagawa ako para sa sarili ko sa aking bayan o sa aking pamilya ay hindi ko na papatulan. Dapat nating iwasan ang mga ganitong mga mapanghusgang katanungan sapagkat hindi naman tayo tunay na magkakakilala dito at di natin alam ang tunay na pagkatao ng isa't isa sa atin.
Hindi naman mahalaga kung positibo o negatibo ang mga isinusulat sa ating mga posts ang mahalaga ay matuto tayong manuri kung ito ba ay may kabuluhan o wala. Hindi lahat ng puna ay masama, ang ilan ay humihimok sa atin na mag isip, na baka mayroon tayong pagkakamali at mayroon tayong pagkakataong baguhin iyon at itama. Ating tandaan ang daan sa tunay na pagbabago ay nagsisimula sa pagtanggap ng katotohanan na tayo ay mayroong pagkakamali o pagkukulang. Kung di natin tatanggapin ang ating mga kahinaan at pagkukulang, lahat ng ating hakbangin maging mabuti man ang ating hangarin ay di magtatagumpay.